මෙහි ප්‍රධාන චරිතය වන සීසල් ට පණ පොවන්නේ ඔස්කාර් සම්මාන ලාභී Forest Whitaker විසින්.ඔහුට ඒ සම්මානය ලැබුණේ The last King of Scotland චිත්‍රපටයේ ඔහු කළ විශිෂ්ට රංගනයටයි. ඒ වගේම මේකෙ රඟපාන අනිත් අයත් බොහොම දක්ෂ නළු නිළි පිරිසක්. මේ චිත්‍රපටියෙන් කියන්නේ දශක තුනකටත් වැඩි කාලයක් ධවල මන්දිරේ ජනාධිපතිවරුන් අට දෙනෙකුගේ ප්‍රධාන මෙහෙකරු (බොටලේරුවා) ලෙස සේවය කළ මිනිසෙකුගේ ජීවිත කතාවයි. නම සීසල් ගෙයින්ස්. ඔහු උපතින් කළු ජාතිකයෙක්. සීසිල් පොඩි කාලෙම එයාගෙ තාත්තව වෙඩිතියල මරණවා සුද්දෙක්. ඒ කාලේ ඕනම සුද්දෙක්ට කළු ජාතිකයෙක්ව මරන්න පුළුවන්. කළු මිනිසුන්ට ඉතා පහත් අයුරින් තමයි සළකන්නේ. තරුණ වියට පත් සීසිල් ඔහු සේවය කළ බංගලාවෙන් එළියට එනවා රස්සාවක් හොයාගෙන. එහෙම ආපු සීසිල් අන්තිමට නතර වෙන්නේ ධවල මන්දිරේ. එදා ඉඳන් ඇමෙරිකාවේ වර්තමාන ජනාධිපති බැරැක් ඔබාමා වෙනකල් සිදුවූ සිදුවීම් අපූරුවට පෙළගස්වලා තිබෙනවා. එකල ඇමෙරිකාවේ සිවිල් අයිතිවාසිකම් ව්‍යාපාරය පිළිබඳවත්, එමගින් සීසිල්ට සහ ඔහුගේ පවුලට ඇතිවුණු බලපෑම් පිළිබඳවත්, අවසානයේ ඔහු ඒවාට සාර්ථකව මුහුණ දෙන ආකාරයත් පෙන්නුම් කරනවා.මේ චිත්‍රපටයෙන් අපට ඉගෙන ගන්න දේවල් බොහොමයි.
2013 අගෝස්තු 16 වැනිදා නිකුත් කරපු මේ චිත්‍රපටියට ලොව පුරා ප්‍රේක්ෂකයින්ගෙන් ඉතා යහපත් ප්‍රතිචාර ලැබුණා. ඒ වගේම Box Office හිට් එකකුත් වුණා ලොව පුරා ඇමෙරිකානු ඩොලර් මිලියන 161 කට වැඩි ආදායමක් ලබමින්. නිකුත් කරලා පළවෙනි සතියෙම Box Office Chart එකේ පළවෙනි තැනට එන්න මෙයට හැකිවුණා.චිත්‍රපටයට වැයකළ මුළු මුදල ඇමෙරිකානු ඩොලර් මිලියන 30ක්.චිත්‍රපටයේ සම්පූර්ණ ධාවන කාලය විනාඩි 132ක්. පටන් ගත්තු වෙලේ ඉඳන් ඉවර වෙනකං කට ඇරගෙන බලා ඉන්න පුළුවන්. අනිවාර්යයෙන්ම ඇරන් බලන්න කියලා මම යෝජනා කරනවා. කට නෙවෙයි.. චිත්‍රපටිය!
0 comments:
Post a Comment